政壇：區選叫停fb選管會冇腦
區議會選舉提名期拉開咗選舉戰幔，唔少參選人都執到正，因為選舉管理委員會早前提出嘅《選舉活動指引》訂明，網上競選宣傳都要計算經費，為免誤墮開支陷阱，唔少參選人都早早揚聲，話會即時停用社交網站facebook，網頁上嘅一切轉載內容同佢無關，亦不會就留言作出任何回應。
好似北區區議員劉國勳就已經停用fb，佢批評選管會此舉真係好白癡，佢會繼續保留fb，直到選舉之後再重開。外號「星屑醫生」嘅選民力量成員歐陽英傑亦留言話，好似fb同網誌都係網上免費資源，零成本嘅嘢又點計選舉經費呢？最多咪只申報上網費囉！