每個行頭都對從業者有一定要求，唔係學歷就係技能，咁風水堪輿有乜要求？麥玲玲就話，做風水師要有啲乜嘢條件，佢話最緊要本身有慧根，對風水術數有良好嘅領悟力，當然，仲要對風水呢一行有濃厚興趣啦。
興趣係從事一個行業嘅基礎，如果唔係好難精益求精，推動自己上進。至於慧根，呢樣嘢真係可遇不可求噃。同麥玲玲傾開先知，依家佢不時要去內地出差，其中一個原因係唔少港人去內地做生意，生意仲愈做愈大，就連風水呢行嘅需求都多咗，其實內地唔少人都好重視睇風水，呢啲趨勢都令本地風水師多條路行。
麥玲玲中港兩邊走，呢一日喺街頭都要不斷講電話。
