政壇：王建宙潮爆身懷五手機
進入資訊年代，手機已成必需品，中移董事長王建宙作為中國電訊一哥，更加係手機先鋒，佢自爆身上常備五部手機，佢冇透露呢五部機係乜品牌，但五部機隨身，真係聽電話都分分鐘搞錯。
王建宙尋日喺大連出席夏季達沃斯年會演講時話，隨身嘅五部手機都長開，佢仲話，手機對佢嚟講，唔單止係用嚟通話，仲可以喺唔同地方測試中移網絡嘅上網質量。講到手機業務，佢又透露，亞洲人好鍾意手機玩遊戲，呢一點同其他地區嘅用戶好唔同。
至於一手推進iPhone革命嘅喬布斯退下火線，王建宙就話，佢最期望係亞洲能夠孕育出另一位喬布斯，並指內地及亞洲有非常龐大嘅市場需求，亞洲絕對有足夠資金帶動移動互聯網產業嘅成長。
王建宙