SUN世代：日捱20粒鐘博食客一笑

「唔好怕辛苦，勇於嘗試，唔踏出第一步又點會有成功嘅一日？」劉心暉（Thomas）大可留在家業當太子爺，但他卻選擇開拓屬於自己的一片天。對飲食業充滿熱誠的他，三年前創立其飲食王國， 更無懼艱苦親自到店舖工作，一日做足二十小時！辛勞換來的最大滿足，是客人的讚賞：「香港人好嘴刁，令佢哋食得開心滿意，好有成功感！」

十三歲時負笈加拿大的Thomas，完成中學及大學課程後回流香港，展開他的事業之路：「當時後生，想試吓唔同行業，睇吓自己真正鍾意做咩。」他曾任職四大廣告公司及雜誌社的市場發展部，後來回到父親的紡織生意幫忙，累積了不少寶貴的營商經驗。

批薯拖地收銀一腳踢

對飲食業有濃厚興趣的Thomas，曾與朋友開設了全港第一間樓上寵物咖啡店，過程令他發現自己對飲食行業實在充滿興趣。勇於追尋理想的他，於○八年進軍飲食界，創立力事達飲食集團：「我喺加拿大住咗十幾年，由細食New York Fries食到大，好想引入呢個當地嘅品牌嚟香港。」

Thomas花了大量心思同時間準備，最後成功擊敗眾多對手，奪得New York Fries的大中華地區特許經營權。力臻完美的他，更不怕辛苦，於開業初期親自到店舖工作：「當時落手落腳去做，批薯仔、拖地、收銀全部一腳踢，一日做十幾二十個鐘，真係唔捨得走。」

在短短一年間，Thomas已在港開設了兩間分店，其後更取得曼聯餐廳的代理權。別以為做老闆很容易，其實比打工更辛苦：「工時好長o架，就算放工返到屋企都心掛掛，個腦停唔到。放假出街食飯，又掛住留意人哋邊度做得好，諗吓點樣可以做到。」

「香港人食嘢好嘴刁」

不過，客人的讚賞，令Thomas深感一切艱苦都值得：「香港人食好多好嘢，好嘴刁！最有成功感係可以令佢哋食得開心滿意！」現時擁有飲食王國的他，更勉勵有志創業的年輕人，要不怕辛苦，勇於踏出第一步，終有一天有機會達成夢想！

Thomas's Profile

婚姻狀況：已婚，育有一子

現　　職：力事達飲食集團董事總經理

學　　歷：加拿大維多利亞大學太平洋及亞洲研究系學士