SUN世代：不吐不快 歷練體驗有話兒
「有人曾經講過：最緊要你係咪有嘢想講？」波基選讀電影，除了覺得自己「用口講嘅時候一舊舊，用影像、畫面嘅方式講故事畀人聽，易過用口講好多」，其實當初亦因為「有嘢想講」。「舊陣時覺得自己好似有啲嘢想講畀人聽，但隨住年紀愈嚟愈大，或者做咗呢行，開始覺得你要多啲磨練思想、多啲體驗生活先可以做得到」。
時光倒流，回到○二年左右的「舊陣時」，波基仍在讀電影興趣班，「嗰時大家真係唔識電影」，第一次與幾個朋友「膽粗粗」嘗試拍戲：「大家夾錢買咗部DV機，但係冇錢買叉電，惟有租部發電機，搵朋友幫手抬上飛鵝山！內容係講有個女仔報警，話唔見咗個情人節，可唔可以幫佢搵番。」整段片長約四十至六十分鐘，他們更將拍好的故事製成一千隻VCD，透過戲院、周刊等渠道派發。