連續幾日講咗關於特首選舉嘅問題後，全國人大常委范徐麗泰尋日喺大氣電波講到下任政務司司長（CS）誰屬時，佢話重點係市民是否認為嗰啲疑似班底係有心嘅能人，至於近日坊間講到嘅CS大熱係政制及內地事務局局長林公公，范太直情笑笑口咁形容林公公「好努力做佢份工，不過客觀事實係佢民意支持比較低」。
不過，范太認為未來特首嘅可接受人選、現任CS唐唐民望都低，但佢話唐唐民望低，當中確有受到煲呔曾所累嘅因素，而有啲官員受到拖累嘅影響冇咁大喎。
范徐麗泰
