政壇：霍震宇揀靚呔襯心情
霍英東集團董事霍震宇早前出席一個招商活動時，打咗條法國名牌Lanvin格仔靚呔，呔面滿布有深有淺嘅灰綠藍等冷色方格圖案，莊重中帶啲調皮及輕鬆，原來這係佢精心挑選嘅至愛，仲勁讚條呔質地好靚兼容易打理，所以買咗六、七年，愈戴愈鍾意。
講起打呔心得，佢話男人如果冇咗條呔配襯，就好似缺少啲嘢，領呔唔止代表一個人嘅性格，亦都代表當時心情。例如出席莊重場合要打深色呔，輕鬆場合就打顏色鮮艷嘅領呔；領呔又代表一個回憶，例如係特別日子或特別朋友送嘅，又或者出外旅行時買嘅，一打起就諗起往事或故人，所以零舍有感覺。
