政壇：阿Ron勢替補唐唐CY公職
政壇依家熱論特首選戰係咪淨係政務司司長唐唐同行政會議召集人CY梁振英之爭，佢哋辭職備戰只係時間問題，但辭職後懸空嘅公職自然要填補。
大家有冇留意行會成員阿Ron夏佳理，日前突然粒聲唔出接受電台訪問，期間佢既講對夕陽政府最後一份施政報告嘅意見，同時又講下屆特首班底嘅重要性，但事後隨即傳出，佢大有機會替補勢必會辭職參選特首嘅CY，做埋行會召集人剩餘嘅大半年任期。
正所謂「一不離二」，阿Ron一係唔替補，唐唐喺西九董事局主席嘅職務，亦有好大機會要佢執手尾。阿Ron係西九發展委員會主席，而且做港交所主席等敏感嘅任命都做得頭頭是道，替補坐正成為西九董事局主席亦係順理成章嘅事。