SUN熱辣：日日舟車勞頓 家長亦難捱
子女要舟車勞頓上學，最心痛的肯定是家長。其中曾先生及曾太直言擔心兒子因跨海上學，身體變差，「呢啲生活連大人都頂唔順，何況係個十幾歲嘅小朋友！」為叫醒兒子起床上學，曾太每天也要於五時起床，甚至與丈夫分房睡，直至兒子習慣起床時間為止。
「呢個係噩夢！」
至於江太，長女早年亦飽受跨海上學的煎熬，雖然女兒已畢業，但每次提起苦況，仍很感慨，「呢個係個噩夢！我個女本來讀南約，後來因為傳出殺校嘅消息，我安排女兒到港島讀書，但佢太辛苦，到中三又轉回南約，到中四時，南約要殺校，又要轉去長洲，喺呢五年間，轉咗四次學校！」她表示，女兒因長期勞累，身體變差，心情轉壞，變得陰沉，經常以淚洗臉，「我個女原本係高材生，因舟車勞頓而討厭讀書，最後連預科都讀唔到！」
曾太心痛兒子年紀輕輕便要舟車勞頓上學。