政壇：沈祖堯中秋親民玩餐飽

今日先係中秋佳節，但香港中文大學校長沈祖堯早兩日就喺崇基眾志堂搞咗個中秋聯歡會，沈校長同成班中大職員都玩得好開心。

當晚有五位中大歌王着住七十年代嘅服裝，仲唱咗溫拿五虎嘅首本名曲《L.O.V.E》同《陪着她》，全場哄動。一向親民、前衞嘅沈校長仲同表演嘉賓D-Crew一齊Rap歌︰「追求卓越，中大本色；傳統現代，中西合璧」，真係字字鏗鏘，全場即刻熱血沸騰。

沈祖堯與眾同樂，今年已係第二年搞中秋聯歡嘞。