政壇：陳浩寧遇求婚感動到喊
之前同大家講過，大家樂太子女Candice陳浩寧同男友Leonard趙益坤喺明年五月結婚。兩人日前出席Hong Kong Tatler周年舞會時，Leonard大爆浪漫求婚經過，話說今年六月，佢包下酒店場地搞晚宴，話係替友人搞活動，Candice到埗一睇，原來男友喺全場掛滿兩人拍拖多年嘅溫馨照，Leonard仲當眾攞出一枚傳家之寶五卡鑽戒，即席跪地求婚，Candice興奮落淚，答應嫁畀佢。
民政事務局前常秘李麗娟細妹Olivia李桂蘭同任職英國投資銀行嘅三仔戴尚文齊來，佢話一早收到風，事關佢同一對準新人嘅雙方家長係世交。
陳浩寧同男友趙益坤明年就會拉埋天窗。