政壇：王瑞勳總動員親子樂
聽歌親子樂無窮，前練馬師王登平之子王瑞勳尋日一家四口便裝出動，原來係捧The Wiggles（繽紛扭扭四人組）親子唱遊音樂會嘅場，平時西裝骨骨嘅王瑞勳少有咁T恤便服，太太、前港姐楊婉儀（Winnie）同一對子女都輕鬆上陣。
王家一對小朋友行去會場時，已經不停哼歌、表現興奮，開咗教育中心嘅Winnie話，教育中心都有用呢啲歌做體操歌。被問到一對仔女有冇表演欲？Winnie就笑笑口咁話：「佢哋拍子感唔錯，因為佢哋仲係BB嗰時已經開始聽音樂，但唔算有表演欲。」不過，Winnie笑言，希望將來能夠組織一隊家庭樂隊。
