政壇：何倍倩整餅老公硬食
恒生後人何乃斌太太Anina何倍倩尋日出席活動時透露，閒時喺屋企都會親自下廚，最拿手係煲湯同煮中菜。佢試過有一次整蛋糕時用錯咗鹹牛油，結果令蛋糕又鹹又甜，老公食到面容扭曲。佢亦會煮BB餐畀囝囝食，仲話囝囝就嚟兩歲，係時候追多個囡囡嘞，但要等待老公同舊愛劉明軒嘅官司完結後先努力造人。佢話呢宗官司會喺今年十月判決，佢相信判決結果係公道嘅，而佢百分百支持老公。
何倍倩話閒時喺屋企都會親自下廚。