中央證券董事總經理鍾絳虹平時工作忙到飛起，冇乜時間行街，咁啱中高檔女裝鞋生產商鴻國國際尋日搞鞋騷，佢忙裏偷閒抽咗一個中午去睇騷。
佢話個騷雖然只有十分鐘，但都不惜工本，搞得有聲有色。講番啲鞋款，佢話啲鞋款都幾七彩繽紛，但亦有一啲款適合佢呢啲OL。佢又話公司旗下有多個牌子，其中一個起家嘅牌子叫「千百度」，個名好有詩意。據管理層話，個名源自「眾裏尋他千百度，驀然回首，那人卻在燈火闌珊處」呢句名句，果然好有詩意喎！
鍾絳虹尋日忙裏偷閒睇鞋騷。（資料圖片）
