政壇：嫻姐區選等泛民挑戰

睇嚟工聯會「票后」陳婉嫻參加十一月區議會選舉幾成事實，佢尋日落到黃大仙大成街市同街坊見面，陪住佢嘅仲係盛傳會讓位畀佢參選嘅工聯會當區議員林文輝。之不過，人稱「維園阿哥」嘅人民力量任亮憲同白鴿黨尋日都話要挑戰佢。任亮憲話依家正喺九龍東工作，講明要揀重量級人物挑戰。有乜優勢？佢講到好白話自己年輕啲，希望嫻姐咪咁辛苦，要照顧身體喎，仲話如果有幸選贏嘅話就唔再選立法會，專心服務街坊。

白鴿黨立法會議員李永達亦希望嫻姐快快表態，事關該黨都有好多人想挑戰佢，但嫻姐就一笑置之。

「Money18免費即秒股票報價網站」現推出8升級功能，財經資訊，實時實發！

陳婉嫻尋日落區宣傳，仲話唔會理對手講乜喎。