SUN熱辣：等同詐騙 可囚七年
佔用政府咪錶位再轉租圖利，是否經已違法？有法律界人士指出，如果出租車位者以車輛佔用車位，因為無法證實是自用或出租，所以只有在出租者未有入錶的情況下，才有可能干犯以欺詐手段騙取金錢的罪行，一經定罪，最高可判監禁七年。
非汽車霸位屬違法
「有冇犯法要睇佢有冇真係幫司機入錶，如果有嘅話，就唔算違法。」律師黃國桐表示，若「出租者」確實有為「租用者」入錶，多收之金錢只會被視為提供入錶服務的額外收費，不算違法；但若出租者未有入錶，只於警方執法時才入錶，則可視為詐騙。「佢收咗人錢又無入錶，即係以欺詐手段騙取金錢，絕對係違法行為，最高可判囚七年！」
黃國桐補充說，任何人士以非汽車的物體霸佔車位，亦屬違法，「用水桶、櫈，或者其他嘢放喺車位度霸位，會被控阻街，罰款額大概係幾百蚊不等。」