SUN熱辣：司機扯火：搵食都唔好阻到人

秀姑（假名）及其同黨霸佔白沙灣碼頭旁的錶位，再轉租圖利，令到駕車人士及附近居民極為不便，有司機因不值秀姑所為，與她發生口角，更直斥「要搵食都唔好阻到人」。翻查資料，該停車場於今年八月初，曾因替人入咪錶事件，而有遊艇被人燒毀，警方正展開調查。

記者當日以遊人身份，與秀姑進行交易，正當記者準備把車停泊在她指定的位置時，一名在旁等候已久的司機，亦同樣打算將車泊進同一車位。秀姑見狀，即擋在該輛汽車前，並揮手示意記者先把車泊進錶位。

該名司機隨即探頭出車外，與秀姑理論，說道：「呢度啲車位唔係你哋㗎！依家唔係話唔畀你哋搵食，但搵食都唔好阻到人囉，我已經喺度等咗好耐！」秀姑未有正面回應「搵食」之說，只道：「佢哋（記者）都等咗好耐，你等下一個車位啦！」經一輪爭論後，司機見秀姑並無退讓之意，無可奈何下只好放棄車位，讓記者泊車，但仍口中唸唸有詞，對秀姑的行為顯得甚為不滿。

船家代入錶遊艇被燒

事實上，今年八月十日，一對船家夫婦疑因替客人入咪錶，懷疑觸怒他人，其遊艇被人縱火燒毀，幸無人受傷，列為縱火案處理。