政壇：范太露底 有特首心水人選

全國人大常委范徐麗泰再對參選下屆特首問題轉口風，一方面話自己會繼續考慮，但佢喺尋晚同富貴黨青年團真情對話，就透露如果佢心目中能夠接受嘅人宣布參選，佢就會唔選，而且會無條件支持呢位仁兄。佢又話心目中暫時得一位心水人選，但至於係男定係女，係咪政府中人，佢就唔肯再多講落去。不過佢強調唔會做嗰個人嘅助選團成員，亦唔會喺來屆政府擔當任何角色。

范太又大談現屆政府嘅管治問題，疑似同煲呔曾埋單計數。佢話過去咁多年，政府喺經濟上只識整大個餅，但分餅仔分得唔夠好，出現有人食多咗，有人食少咗，下屆政府一定要分勻喎。

「Money18免費即秒股票報價網站」現推出8升級功能，財經資訊，實時實發！

范太出席自由黨青年團活動，大談對特首選舉嘅最新諗法。