政壇：曾偉雄扮盲 懶理陳淑莊

臨近區議會選舉提名，身兼中西區山頂區議員嘅立法會議員Tanya陳淑莊，近日經常喺山頂蒲頭同街坊揮手，佢仲爆料話山頂高官名人雲集，唔少高官揸車返工時，見到佢都會禮貌點下頭、報以微笑，唯獨有人隻眼生係額頭度，扮見唔到佢。

邊個？咪就係警務處處長曾偉雄囉！Tanya話起初諗住可能係曾偉雄睇唔到佢啫，但試過三次都係咁，即係唔係巧合，係故意啦！既然對方當自己透明，Tanya都唔同對方客氣，每逢見到曾偉雄架車，嗰一刻都會自動成為佢嘅「飲水位」或「休息位」。

「Money18免費即秒股票報價網站」現推出8升級功能，財經資訊，實時實發！

陳淑莊話喺山頂宣傳時遇到曾偉雄，對方連招呼都唔打個。