政壇：張雅麗拍郎朗開音樂校
家長對下一代嘅藝能訓練好着緊，香港菁英會副司庫張雅麗（Carol）早前成功打動著名鋼琴家郎朗，合作喺深圳開設首間音樂學校，呢個佔地逾三萬呎嘅郎朗音樂世界學校，明年初就會開幕，聽聞已有唔少學生敲門報名添。
近年積極進軍公職嘅Carol係劍橋大學經濟系高材生，畢業後曾任職高盛投資，九年前加入英孚教育集團，幫手喺香港及內地開設超過一百間英語培訓學校，今次進軍音樂學校都有賴Carol嘅誠意，因為郎朗出名要求高，雙方達成共識都唔易。
近年積極做公職嘅Carol除咗活躍於菁英會，仲出任港島各界聯合會副理事長，前晚仲喺會展舉行就職禮添。
張雅麗打動郎朗，合作喺深圳開設音樂學校。