政壇：胡敏珊「錶」奇立異參展

鐘錶業係本港經濟嘅一大主力，香港鐘錶展更吸引唔少業者觀摩同交流，有「鐘錶界美女」之稱嘅胡敏珊今年更有新搞作，就係兼任設計手錶參展，難怪胡敏珊尋日表現得好興奮。

胡敏珊尋日盛裝出席香港鐘錶展，事關佢創辦及兼任設計嘅手錶品牌，今年首次獲邀參加鐘錶展品牌廊展覽，胡敏珊喺展攤上向嘉賓介紹作品，仲親力親為，喺攤位設計上畀咗唔少意見。

胡敏珊為展覽投入唔少心血，眼見有成果當然一臉自豪。