政壇：黃偉雄十年情迷煙倉魚
中環有唔少特色食肆，專業及資深行政人員協會秘書長黃偉雄（Addy）就鍾情皇后大道中萬邦行嘅馬車會所，幫襯咗十幾年，最愛就係一味煙倉魚。從事地產嘅Addy堪稱「魚王」，每餐無魚不歡，獨愛呢味倉魚，全因夠新鮮，肉質結實彈牙，煙熏味夠濃郁。
除咗倉魚，佢仲鍾意吃鱔，試過獨家炮製串燒咖喱鱔及串燒麵豉鱔，喺友儕間好聞名。至於馬車會所嘅其他美食，仲有令佢食指大動嘅馳名叉燒及三腳湯，不時會相約老友，邊傾樓市邊開餐。
加入地產界逾廿年嘅Addy至今事業有成，不忙回饋社會，近日就發起籌辦一所非牟利洗腎中心，年底投入服務。為籌募經費，日前喺理工大學舉行舞台劇慈善首映，請來戲劇之父鍾景輝粉墨登場，相信善款好快達標。
黃偉雄每餐無魚不歡，話佢係魚王都冇錯。