政壇:堪輿索女又考經紀牌

堪輿學予人神秘感覺,富貴黨黨花方亮瑜(Jade)卻偏好此道。喺港大文學院畢業嘅Jade曾任中學英文教師,近年就疊埋心水全職投身堪輿工作,不過,佢忙碌中都會抽時間進修,提升自己。

阿Jade話,人生匆匆幾十年,要趁後生學多幾樣嘢充實自己,將來同客人傾偈都多啲話題,難怪佢讀完中醫課程,又考埋個金融經紀牌後,近期仲話要去考個地產經紀牌照添!至於點解佢會考金融經紀牌,原來好多搵佢睇批命嘅客人都有投資股票,經常都畀貼士佢,但佢聽聽吓都係覺得求人不如求己,自己做埋分析穩陣啲喎。阿Jade透露,從事堪輿工作後,高峰期試過每日要走三、四場,雖然忙到一頭煙,但佢依然抽時間不斷進修,呢份好學不倦嘅決心確係值得年輕人學習。

從事堪輿工作嘅方亮瑜好學不倦。