暑假結束，學生哥全部重返校園，楊受成千金楊諾思尋日出席一個活動時，講到暑假活動，透露早前同屋企人去咗峇里島，幾個小朋友玩得好開心。之後佢就頻撲去歐洲工作，呢個炎夏過得好充實。
楊諾思話喺峇里時入住Club Med度假村，大家都好開心：「入面有好多課程畀小朋友學習，好似空中飛人、行Catwalk同做話劇，仲可以上台表演。」她嗰三個仔女喺香港時課外活動唔多，加上甚少有機會演出，今次嘅旅程可以話係好好嘅體驗。
楊諾思憶起暑假嘅峇里之旅就好開心。
