政壇：陳靜薇至愛金葉庭點心
建行董事會香港辦事處前主管Agnes陳靜薇最近啱啱辭咗職，決定暫別香江，到加拿大陪一對仔女讀書。臨別前佢專登到港麗酒店嘅米芝蓮食肆金葉庭歎至愛嘅星級點心，事關下次再食到咁美味嘅地道美食，至少要等到年底喇！
多年來出入中環嘅Agnes對區內中西美食如數家珍，已經開業二十一年嘅金葉庭，以改良精緻粵菜聞名，至啱佢嘴刁嘅高要求。當日佢柯打咗豆漿梅菜叉燒包、蒜泥白肉同魚湯雲吞，食到回味無窮。
Agnes嘅一對龍鳳胎正喺加拿大升讀大學，佢話要去陪佢哋兩年，順便畀自己時間停一停腳步，聞吓玫瑰花香。佢仲話兩年後，唔排除重返香江，再戰江湖。
陳靜薇至愛金葉庭精緻點心，侍應服務夠晒貼心舒服。
蒜泥白肉以極薄嘅豬肉包捲住青瓜，上邊鋪滿香口炸蒜蓉，味道一流。