政壇：鄧焯謙用手同新移民溝通
喺天水圍區內住咗唔少內地新移民，雖然呢班街坊嚟咗香港好多年，但有啲仲係唔識講廣東話，而已喺天晴邨服務咗三年有多嘅工聯會鄧焯謙，就試過有街坊識聽唔識講廣東話，雞同鴨講下只好靠做手勢溝通，情況相當尷尬。
謙仔同一班義工定期會為區內長者免費剪頭髮，佢話天晴邨有位婆婆雖然嚟咗香港好多年，但只係識講福建話。有次嗰位婆婆想知幾時有得剪髮，但大家唔明佢表達啲乜，搞咗一輪後婆婆終於豎起兩隻手指扮鉸剪，大家終於明白佢想點，場面都幾得意。
其實謙仔平時幾鍾意踢波，但做咗地區工作後就被迫放棄呢個嗜好，計計吓都有兩年冇踢過嘞！佢笑言忙完呢排之後，最希望可以激烈咁踢番場比賽，表演吓腳法咁話。
