政壇：霍震霆靠報紙知囝囝戀情

立法會議員霍震霆前晚出席一個慈善晚宴時，被記者追問大仔霍啟剛幾時結婚時，霍公子即鬼馬咁話：「我同你都係買報紙睇吓。」再問佢二仔霍啟山係咪同章子怡復合，佢係咪歡迎兩人復合時，佢只笑不答。當追問佢有冇心急想飲新抱茶？佢就話：「依家係火箭年代，我唔係嚴父。」咁唔想飲新抱茶咩？佢又係嗰句：「都係買份報紙睇吓。」