專業及資深行政人員協會理事楊素珊（Susan）係公關公司負責人，亦係城中才女，習國畫多年，又曾留學美國紐約學習美術及電影製作，九月中起，佢將夥拍著名音樂人金培達、名導演林超賢及珠寶設計師翁狄森等人，一齊上北京開畫展。
呢個喺北京今日美術館舉行嘅畫展主題為《生息》，帶出珍惜自然意味，畫展將於二十六號喺北京剪綵，Susan話會即場畫幅畫，收益會撥捐中國綠色炭匯基金會拯救中國虎基金。Susan又爆翁狄森係「綠色生活人」，屋企同寫字樓都拒絕開冷氣。
楊素珊畫出彩虹，將夥拍名人喺北京開畫展。（楊素珊提供）
楊素珊其中一幅展品《紅棉盛放》。
