SUN世代： 「就算鬧交都唔好分房瞓」

子女乖巧又深得丈夫疼錫，更有出色個人事業，Clarea實在是幸福滿瀉。而多年來既婚姻美滿、又能保持輕盈體態和細緻肌膚的她，亦毫不吝嗇公開護膚心得和夫妻相處的「獨門秘技」。

Clarea的丈夫是有慈善家之稱的東華三院總理李鋈麟，兩人育有十六歲長女，以及八歲半的兩子一女三胞胎。結婚十六載，兩人仍恩愛如昔，Clarea形容兩個人相處，恍如搖搖板般，「成日平衡住唔好玩，要間中有啲起伏，但又唔可以經常係咁。」夫妻間偶有摩擦、爭拗在所難免，要維繫長久婚姻，她有一個好建議，「就算點鬧交都好，唔好分房瞓，兩個人瞓埋一張床，始終都會和好。」

講到護膚，她亦有獨特的護膚之道，就是「唔做facial」。「覺得塊面好似件衫咁，唔可以成日洗。」她笑言自己亦會用護膚品，閒時會做瑜伽或伸展運動減壓，但最重要是保持心境開朗，自然會煥發神采。