政壇：張德熙入股泰加有眼光
金銀業貿易場理事長張德熙一向有投資眼光，尤其係金價走勢，更加係眼光獨到，早就話黃金會大升，結果係點，相信大家都睇到，梗係齊聲慨嘆點解唔趁早買呢！原來，佢喺其他方面亦一樣有投資眼光。
話說佢早前入股全港最大嘅汽車保險公司，注資成為大股東，仲做埋公司主席，實行業務多元化，喺呢個市場變化迅速嘅年代，實在係非常重要。呢家汽車保險公司名叫「泰加保險」，喺香港已成立超過三十三年，活躍於商用車輛保險。根據保險業監理處嘅統計結果顯示，舊年泰加已成為全港規模最大嘅嘅汽車保險公司。
除咗生意外，張德熙今年最大搞作都應該係金銀業貿易場即將推出嘅人民幣公斤條黃金產品，早前佢講過八月尾會開記者會講推出詳情，現時可能要稍為延遲一些，但估計都應會喺九月推出。