政壇：李小加話人仔國際化龜速
人民幣未來條路就係要國際化，究竟依家發展速度係快定慢？尋日喺一個論壇上，以每小時一百二十公里為上限，超過就為之超速，叫嘉賓講出現時人仔國際化嘅時速，中銀香港副董事長和廣北揀一百公里，署理財政司司長陳家強就話係七十公里，但港交所行政總裁李小加話只有十公里，全場嘩然。
每小時十公里即係龜速？點解李小加咁極端？佢解釋話，人民幣國際化其實並非講求速度嘅快慢，過程係一場馬拉松，當中有好多挑戰喎！
佢話人民幣要做到國際化，必須喺境外地區有人願意全面持有同使用，所以香港需要推出更多人民幣產品，香港應該抓緊呢個機遇，大力發展，否則人民幣存款量分分鐘到頂後掉頭回落。
李小加