政壇：理大生玩具揚威國際
「冇諗過自己會有咁嘅成就！」會考只得十分嘅黃偉健，學業路途唔平坦，但憑住設計天分同熱誠，入讀理工大學設計學，更喺第七屆國際玩具設計比賽中奪得冠軍殊榮。
得獎作品名為Frankie、Paul、Philip木製音樂組件，喺新學年升三年級嘅黃偉健花咗兩個月完成。主要由手攪器、齒輪、齒輪盒同三個公仔組件所組成，玩具名稱正係佢為三個公仔所起的英文名。小朋友只要不停攪動手攪器，驅動齒輪，再帶動公仔互相敲擊發出唔同聲響，製作出屬於自己嘅音樂。
現時喺玩具公司實習嘅佢，希望日後可以成為玩具設計師，創一番事業。
