SUN世代：童年不快樂 反學懂自強
「打不死就會更堅強！」Silver坦言再苦的事都經歷過，相信今後再沒有事情可以難倒他，又盼以自身經歷勉勵年輕人，助他們走出陰霾。
提起童年，Silver爆出一句：「嚇親你！」但他未有抗拒，反而滔滔不絕帶記者「重返過去」：「爸爸一個月只見得一兩次，所以同爸爸唔Friend，同媽媽亦冇偈傾，兩個妹又好少談心，總之關係好冷淡。」
不愉快的童年生活，令Silver學會自強，他慨嘆現今80後充滿怨氣：「好多80後成日話社會唔接受佢！其實應該係我哋去適應社會，去接受社會！人生有好多唔公平嘅地方，我哋係要去學習接受呢啲不公平。」他希望以自身經歷及經驗，助80後改變悲觀的思想。
工作忙碌，Silver閒時會彈琴減壓。