政壇：陳振聰慶外母生日
官司纏身嘅商人陳振聰，依然無損心情，尋日陪老婆譚妙清同屋企人等一行八至十人到利園二期嘅「西苑」食晚飯，尋日踏入農曆八月，莫非咁早就為中秋節做節？原來係慶祝外母生日。
佢哋坐喺貴賓廳，張大枱貼近落地大玻璃，街外途人只要抬頭一望就睇清楚晒佢哋嘅背面。席間見陳振聰有講有笑，仲露出招牌哨牙笑容，更不時望出街外睇街景。記者從外邊望上去，見窗台放咗部專業單鏡反光相機，原來係陳振聰嘅私伙相機，事關見佢攞起幫家人影相。
廣州大老倌同席
西苑經理話陳振聰係佢哋熟客，仲透露席間有位由廣州來港做戲嘅大老倌添！食到夜晚九點左右，陳太率先送親友離開，然後再折返酒家入面繼續同老公撐枱腳，直至晚上十點四十五分埋單離開。
陳振聰同家人及親友食飯期間有講有笑，仲不時望出窗外睇街景。
晚上九點左右，譚妙清先送親友離開，然後再折返酒家繼續陪老公撐枱腳。