政壇：甄韋喬鍾愛太平館炒牛河
菁英會秘書長兼利興控股主席Mickey甄韋喬天生係「鋼條男」，食極都唔肥，而且最愛係「太平館」嘅招牌乾炒牛河、瑞士雞翼同巨型梳乎厘，幫襯咗十幾年依然回味無窮，而佢太太同三個囝囝亦都好捧場，一家五口食得好滋味。
Mickey對食從來都唔揀擇，坦言小時候因為家境貧窮，所以對美食很珍惜。佢回想當年初中畢業後加入清潔工行列，初次踏入垃圾房，臭到想掉頭走，為清潔龍蛇混雜嘅重慶大廈也要走進去，全靠一支白花油撐過來。
八九年，佢成立清潔公司，承包近五萬個公屋單位嘅清潔合約，贏得「公屋清潔王子」美譽，○七年更獲香港十大傑出青年。
