政壇：陳詠梅攻讀第四個碩士
香港提升快樂指數基金義務總幹事Helen陳詠梅可以話係持續進修嘅「人辦」，佢已經擁有佛學、電子商貿同資訊科技等三個碩士，佢尋日主持基金會嘅活動時透露，將會進運第四個碩士銜頭，喺嚟緊九月去理大讀中國文化碩士。
讀咁多書為乜？Helen話坐喺課室內聽書，令佢覺得永遠年輕，況且中國文化係佢「飛佛」，理大課程涉獵儒、釋、道哲理，恨不得快啲開學喎！
鍾意挑戰自己嘅仲有基金會副主席兼工業總會主席Roy鍾志平。啱啱由東非返港嘅佢，九月二號又起程勇闖北極，同行仲有仁愛堂總理同二十幾位學生。佢幾年前遊過南極，捱凍能力高，仲牙擦擦話去北極要捉隻北極熊，取其熊掌，整番餐滿漢全席招呼老友喎！
陳詠梅喺嚟緊九月去理大讀中國文化碩士。