恒隆地產喺內地第四個項目，尋日就喺濟南開幕，個廣場又大又多嘢睇，點知恒隆老闆Ronnie陳啟宗話有啲地方唔係幾好。嘩，咁大劑，原來佢嫌間間食肆都要大排長龍喎！
Ronnie真係識宣傳，一早預備咗每人一把紙扇，紙扇上面仲印上濟南恒隆廣場嘅全貌，一方面為一眾來賓帶來涼意，而且紙扇既有中國特色之餘，又收到賣廣告之效，真係一扇三用呀！睇吓Ronnie揸住把扇係咁撥，就知幾有用啦！
陳啟宗大派紙扇，為濟南恒隆廣場賣廣告。
