政壇：廚王表演混醬佳餚
李錦記早前邀請咗五位內地頂尖廚王組隊參加台北舉行嘅「世界廚王爭霸賽」，結果憑創意佳餚奪魁，佢哋尋日就齊集大埔李錦記廚藝中心獻技。五位廚王，以中國烹飪大師屈浩擔大旗做領隊，其餘四位譽滿京城嘅年輕名廚包括北京大董烤鴨總廚石秀松、中國大飯店夏宮中餐淮揚菜廚師長侯新慶、北京孔乙己尚宴總廚陳慶及北京鮑魚王品鮮堂行政總廚李可，佢哋分別以多款醬料入饌，創作出冷盤、熱湯、熱葷等五大佳餚，成功摘下「世界廚王」桂冠。
集團主席李文達尋日仲帶埋兩位囝囝李惠中、李惠強出席，實行省靚招牌。
李文達（左四）同囝囝李惠中（右一）同李惠雄（左一），廚王石秀松（左二）、侯新慶（左三）、屈浩（右四）、陳慶（右三）、李可（右二）分享喜悅。
頂湯同心結
魚蓉麵條編成中國結放入雞湯，色香味俱全。
雙映成輝
兩顆小番茄釀入菌菇餡料，口感層次豐富。