政壇：莫樹錦以軟制硬展實力

所謂嘅實力，既講求硬實力，即係學歷同技能，亦要重視軟實力例如品德、美善等，點先可以做到軟硬兼施？型男同美女就喺一個聚會中擦出火花。

型男名醫莫樹錦認為軟硬實力，人皆有之，精髓在於點樣收放自如，點樣用軟控制硬而已。當呢句「用軟控制硬」，惹嚟全場喝采。四洲集團太子女戴凱欣就認為軟硬實力嘅培養，絕對受家庭影響。佢話家人從事飲食業，佢關於飲食嘅知識喺外邊係無法學到嘅，而自細睇到做生意嘅父母辛勤拚搏，令佢今日創業從零開始，都懂得點樣編排工作，而創業路上仲發現人際關係這種軟實力好重要，個人努力固然係先決條件，但出外謹記靠朋友。

導演黃真真喺男性主導嘅電影界打拚，佢直言溫柔係女性嘅強項，善用四両撥千斤；女性又內在硬朗，遇到挫折會好快企番起身。靚媽余安安嘅心得係工作上軟硬齊出：硬件係增進各種知識，軟件係從內在出發，平衡生活，而教育下一代則要愛心同品德並重。