SUN熱辣:倡多聲道講解方便競投

「依家喺香港舉行嘅拍賣會,分分鐘有一半入場人士都係內地客!物流服務署只係用廣東話,做法落後!」經常出席拍賣會的人士指出,人民幣不斷升值,愈來愈多內地客到港競投,但政府物流服務署舉辦拍賣會,拍賣官只講廣東話,易造成溝通問題,建議以廣東話、普通話及英語等多聲道講解,方便不同國籍人士競投。

內地買家趨增

香港收藏家協會副會長張順光表示,近年在港舉辦的各類拍賣會,不時會吸引大批內地客,甚至外籍人士也參加,其中內地客人數愈來愈多。他估計與人民幣匯率保持強勢有關,「內地都有類似嘅拍賣會,但喺香港拍賣會拍賣,會用港幣結算,人民幣變得更加見使,就算計埋機票,都仲抵過佢哋喺內地買。」

張表示,無論級數較高的拍賣場,或是物流署定期舉行的拍賣會,都是內地客的目標,部分私人拍賣會亦已加入普通話拍賣,「部分高級啲嘅拍賣場,近年都開始轉用普通話,遷就內地買家,但係政府到依家都只係用廣東話拍賣,應該改善。」

「Money18免費即秒股票報價網站」現推出8升級功能,財經資訊,實時實發!

陳美茵、林健斌、彭俊榮