政壇：搞搞政：新立會大樓淪毒氣室？
立法會秘書處聘請嘅搬屋公司近日通知各黨派，佢哋現時喺中區嘅議員辦事處，將喺下月十九號至三十號搬往新大樓，每個工作天搬六個議辦，兩個禮拜合共十個工作天就可以搬晒全體六十名議員嘅議辦。
有議員助理就投訴新大樓仲有大陣裝修味，有毒氣體含量隨時超標，危害喺裏面返工嘅職員同助理，有助理更計劃班番部測試有毒氣體嘅儀器，驗吓新大樓嘅室內有毒氣體有冇超標，藉此拖延搬屋。有議員為咗盡早執好嘢展開工作，自願提早搬屋，但擁有最多議員嘅建仔就怕咗新大樓陣裝修味，特別要求最後先搬。
其實，最慘嘅係秘書長吳文華同班秘書處職員，據聞有少數秘書處職員喺近日已陸續搬屋，而大部分喺九月上旬就要搬去新大樓吸味同食塵。
吳文華