政壇:李少光鸚鵡學舌獻醜

警方喺國家領導人訪港期間緊張過龍,保安安排搞出大頭佛,喺內地訪問嘅保安局局長李少光被問到警方係唔係非法禁錮學生,推卸話自己一直唔喺香港,單睇報道就評論係唔公平喎。

雖然局長話乜都唔知所以乜都答唔到,不過佢對香港傳媒有咩報道又好清楚喎。佢尋日不點名批評《壹週刊》報道,話內容不時畀人否認,仲引用埋政務司司長唐唐嘅垃圾論,話《壹週刊》報道內容係「totally rubbish」喎。佢又話,有本地傳媒成日將事「抹紅」,保安工作並冇假手內地咁話。

《壹週刊》內容係垃圾本來路人皆知,問題係李少光要同唐唐開玩笑都引述錯,唐唐講嘅係「completely rubbish」,而唔係「totally rubbish」。不過資深英文老師周蘿茜話,佢兩個人所講嘅,文法上都錯,因為唔可以用一個副詞去形容名詞,正確嘅用法應該係「It's all rubbish」。總之就係一堆垃圾啦!

「Money18免費即秒股票報價網站」現推出8升級功能,財經資訊,實時實發!