政壇：潮商青年逛盂蘭勝會
雖然潮人盂蘭勝會被列入國家級非物質文化遺產，但其實都日漸式微。為拯救呢個珍貴文化，潮州商會青年委員會主任陳光明、副主任Mariana林淑怡等二十名年輕人，趁尋日假期相約參觀喺銅鑼灣鬧市搭建嘅公和堂盂蘭勝會。
現場搭起幾個古色古香嘅巨型醮棚，又請咗戲班喺台上唱潮劇，就算天氣酷熱難當，唔少市民都唔介意嚟燒衣祭拜。現場熱鬧氣氛勾起唔少潮青嘅童年回憶，潮青教育文化組副主任Anven胡炎松話細個時屋企住新界，每逢盂蘭節家人就會出市區買祭品或食物，跟住盂蘭勝會有戲睇又有嘢食，非常熱鬧。
潮青成員參觀盂蘭勝會，右一為副主任林淑怡，左起為潮青會員小組召集人陳志強、黃映紅同成員李琼恩。
發起今次活動嘅胡炎松（右）一腔熱誠，十分抵讚。左為公和堂會長鄭翔奮，中為潮青主任陳光明。