政壇：何超蓮考棍波驚肥佬

賭王千金何超蓮日前下晝一點幾喺寓所出發去銅鑼灣會友人，身穿背心、工人褲，戴上黑超嘅佢一貫親民作風，對記者嘅提問有問必答。佢透露依家學緊車，但唔想透露係搵師傅授課抑或到駕駛學院上堂。佢仲話：「我唔打算講，你哋會影我o架，我又未考試，我驚唔合格呀！」當被記者反問佢點解咁冇自信時，佢即伸一伸脷，笑住話：「因為我考棍波，所以冇乜信心。」

點解依家至學車？超蓮話：「之前媽咪唔畀我學，依家終於求到佢畀我學。因為我脾氣大，媽咪驚我會撞車，佢覺得我依家長大咗，可以控制到情緒。（有冇Dream Car？）粉紅色嘅車算唔算呀？冇諗過呀，考到先算啦！」

何超蓮透露依家學緊車。