政壇：搞搞政：鬍鬚曾廢噏轉移視線
特區政府對國家領導人訪港嘅安排，將原本想落力展現親民一面嘅領導人變得遙不可及，你話呢個夕陽政府係唔係倒米吖！
繼「親大佬」煲呔曾後，財爺鬍鬚曾尋日喺網誌接力大談領導人訪港問題，同樣只講經濟，其他一概不提，擺明就係想轉移公眾視線，等佢同煲呔曾兩個都唔使繼續畀人插。鬍鬚曾一時又講到「十二五」規劃提出要發展服務業，指呢個對香港係好重大嘅發展契機，一時又話考慮香港嘅發展時，要從九百六十萬平方公里嘅視野去思考，全部都係阿媽係女人嘅嘢，唔知講嚟做乜。
最過分嘅係呢個夕陽政府領導層竟然提都唔提呢幾日講到鬧哄哄嘅「警方打壓新聞採訪自由」議題，永遠只係識得避重就輕，難怪特首辦facebook刊登咗鬍鬚曾呢篇網誌之後，即刻有網民鬧爆佢未搞掂民生，簡直係一矢中的！
設計圖片及對白