City Parade:美酒群英會

人才濟濟的菁英會,上周四喺會展舉行新一屆執委會就職禮,逾五百位政商界名人紛到賀,碰杯聲不絕於耳。兄弟班相聚,美食係其次,晚宴講求環保,拒食魚翅,但紅酒、香檳就開個不停。散席後,菁英兄弟還拉隊去飲嘢,唔知係唔係不醉無歸。

「Money18免費即秒股票報價網站」現推出8升級功能,財經資訊,實時實發!

吳嘉淳 箏聲醉人
珠寶公司太子女吳嘉淳表演彈古箏,妙韻醉人。

莊家彬、梁宏正 中流砥柱
莊士集團太子爺莊家彬(左)同立法會議員梁君彥公子梁宏正(右)都係菁英會中流砥柱。

洪為民接棒 猛人恭賀
洪為民(左二)接棒做主席,榮譽主席白富鴻(左一)、民政事務局常秘楊立門(右二)及創會主席施榮忻(右一)齊送上恭賀。

女將晒冷 陣容鼎盛
菁英女將陣容鼎盛,左起為潘美婷、譚載怡、林玉茵、黃夢瑩及張雅麗。

黃傑龍 暑假郵輪歎世界
敍福樓集團執董黃傑龍暑假坐郵輪去美國歎世界。

廖創興後人 任執委
廖創興家族後人廖偉麟(左起)、王文博及東源大地物流公司老闆王嘉恩齊擔任今屆執委。

李曠怡女友 各自精彩
前東華三院主席李三元大公子李曠怡(左)今年加入青聯做會董,女友梁煒茵就入菁英會。

鄧志輝、陳家偉 後起之秀
Dr.Reborn老闆鄧志輝(右)同健康食品公司老闆陳家偉(左)都係菁英會後起之秀。