尋日喺一個活動見到名媛羅可旋，佢透露胞妹啱啱喺馬爾代夫結婚，一家人觀禮順道旅行，佢對仔女就充當花仔花女，佢話：「我哋去咗成個禮拜，又游水又玩浮潛，好開心！」追問送咗乜嘢結婚禮物畀妹妹？佢話都係屋企嘅擺設嚟。
羅可旋又話自己同姐妹都已嫁，依家只剩低兩個細佬仲未娶老婆，而媽咪就大為心急。咁佢有冇介紹女仔畀細佬認識呀？佢笑住話：「我都放棄咗喇，佢哋要求好高。」
羅可旋送咗屋企嘅擺設畀妹妹當結婚禮物。
