政情：楊哲安朝朝踩單車返工

早前喺一個活動度見到教育局政治助理Jeremy楊哲安，見佢塊臉尖咗又瘦咗，原來係勤做運動有功。佢自爆由舊年九月開始，每朝由薄扶林屋企踩單車返中環政府總部，全程只需二十分鐘，一個禮拜踩足五日，果然fit咗喎！

大熱天時喺馬路上飛馳，想唔標汗都難。Jeremy話返到政府總部後會用毛巾抹身，避免做「汗男」，但近期艷陽高照，所以都暫停踩單車，免得一身汗味嚇親同事。

其實，環保係大趨勢，連佢嘅前藝人太太張燊悅都崇尚環保，佢依家讀緊個環境管理學碩士課程，經常提醒Jeremy要慳電、減排，所以屋企要減少開冷氣。

楊哲安話太太張燊悅讀緊環境管理學碩士。