政情：項明生用時間碎片會粉絲
Sony Computer Entertainment HK Ltd市場部總經理James項明生，幾乎喺主流嘅社交網站都有個人或者公司嘅戶口，至今已擁有七十幾萬粉絲。佢話日日都要利用「時間碎片」上網站同粉絲團溝通，真係少啲精力都唔得。
「時間碎片」係乜？呢個咁潮嘅名詞，原來係James喺內地朋友度學返嚟嘅，反映時下年輕人利用搭車、搭(車立)同等人嘅零碎時間，喺手機上網或玩遊戲嘅實況，形容得相當傳神。
James份工經常要搞宣傳，加上佢鍾意利用公餘時間周遊列國，所以好投入喺社交網站同粉絲交流見聞，而喺佢嘅facebook總會有驚喜，好似早排佢去古巴、墨西哥玩足十日，啲風俗民情喺佢嘅筆下栩栩如生。