政情:林健鋒西班牙睇鬥牛

歐洲債務危機深化,啱啱去完法國同西班牙、玩咗約十日嘅經濟動力立法會議員林健鋒(Jeffrey)就話西班牙市面仲好旺,人民照食照玩,大批內地旅客繼續瘋狂掃貨,似乎唔太感受到當地嘅經濟困境。

此行節目好多,Jeffrey帶咗囝囝去睇西班牙鬥牛,佢細個時喺澳門都睇過,感覺當然冇喺西班牙睇咁專業,因為當時睇嘅只係求其搭個棚就算,唔似西班牙喺高高嘅看台上睇,觀眾安心好多。喺西班牙期間,佢哋又食咗當地聞名嘅海鮮同燒豬。

「Money18免費即秒股票報價網站」現推出8升級功能,財經資訊,實時實發!

林健鋒喺西班牙巴塞隆拿睇鬥牛,話表演者好專業。

林健鋒喺法國總統府前拍照留念,但最難忘其實係當地嘅美食。